"Besta leið til að byrja daginn"
"Fyrsti tími hins alræmda Boot Camp námskeiðis var að renna upp og ég var skíthrædd við þessa vondu menn sem ég átti að hitta löngu fyrir sólarupprás. En ég var í fínu formi og hef alltaf hreyft mig mikið. Þetta gat ekki verið svo erfitt ...
    Tíminn byrjaði á „rólegri“ upphitun og ég stóð á öndinni. Svo komu æfingar sem mér fannst hreinlega stríða gegn þróun mannsins. Við tók svimi, ógleði, sjóntruflanir og svo var allt svart. Annað illmennið þurfti að styðja mig út og reyndist þá ekki svo slæmur.
    En svo breyttist ógleðin í gleði, sviminn í adrenalínkikk, illmennin í uppáhaldsmenn og sjóntruflanirnar, ja, ég veit bara ekkert hvað varð um þær. Ég er þarna enn tveimur árum síðar og hlakka til hverrar einustu æfingar. Við erum alltaf að gera eitthvað nýtt og krefjandi. Ég er í þrusuformi og gæti ekki hugsað mér betri leið til að byrja daginn."
Margrét, 36 ára þingmaður

"Fjölbreytt, ekki einhæft"
"Þetta er alltaf erfitt hvort eð er, þá er nú betra að hafa þetta fjölbreytt og erfitt heldur en einhæft og erfitt."
Kjartan Einarsson, 36 ára innkaupastjóri og fyrrum skvass-meistari. 

"Varanlegt form"
"Ég hélt að ég væri í ágætu formi þegar ég fór í Boot Camp.  Það var ekki rétt.  Eftir tvö Bootcamp námskeið er ég búinn að komast að því að gott form er tímabundið ástand, en Boot Camp form er varanlegt."
Þorkell Guðmundsson, 28 ára 

"Ómissandi hluti"
"Ég hef bætt á mig 10 kílóum frá því ég byrjaði. Þegar ég var að byrja þorði ég varla að mæta á æfingar og kveið fyrir því að mæta en í dag gæti ég ekki hugsað mér að missa úr æfingu og hlakka alltaf til að mæta. Maður verður alveg háður Boot Camp! Þetta er án efa fljótasta og besta leiðin í form og þjálfararnir eru alveg frábærir. Æfingaprógramið er ótrúlega gott og hvetjandi og þjálfararnir ná því besta út úr manni á hverri æfingu sem stuðlar að hámarksárangri. Boot Camp hefur aukið sjálfstraust mitt til muna og hefur hjálpað mér mjög mikið í mínu daglega lífi. Boot Camp er orðinn ómissandi hluti af mínu lífi."
Steinar Björnsson , 23 ára nemi

"Breytt lífi mínu"
"Ég hef aldrei náð svona góðum árangri í neinni annarri líkamsrækt! Þetta er algjörlega besta þjálfun sem ég hef fengið líkamlega og félagslega og þið eigið nú alveg risa stórt hrós skilið! Þið eruð alla vega búin að breyta mínu lífi þvílíkt!"
Hafdís Helgadóttir, 22 ára nemi

"Junior hentar öllum 12-15 ára!"
"Áður en ég kynntist BootCamp þjálfuninni var ég alltaf mjög lítil íþróttafrík. Ég var stirðbusi dauðans og úthaldið...jaaa..það var af skornum skammti og að hlaupa einhverja kílómetra var eins og að klífa Everest í mínum huga. Ég hafði að vísu alltaf stundað einhverjar íþróttir en fann mig aldrei í þeim. Í júní 2006 kynntist ég svo BootCamp junior, unglinganámskeiðinu hjá BootCamp. Fyrstu tímarnir voru frekar erfiðir en svo vandist þetta allt saman, það var liðsandinn í hinum þáttakendunum og góðir þjálfarar sem fengu mann svo til að halda þessu áfram. Strax í ágúst gerðist hið ótrúlega...ég hljóp 10km í Reykjavíkurmaraþoninu á 54mín, ég hafði hlaupið 5km fyrr um árið í einhverju skólahlaupi en endaði yfir 30mín nær dauða en lífi. Mér leið betur, var sterkari og sjálfstraustið rauk líka upp! Svo leið tíminn og í dag er ég millivegalengda- og langhlaupari, allur sá árangur sem ég hef náð og er að ná í dag væri ekki minn ef ég hefði ekki kynnst BootCamp. BootCamp junior námskeiðið breytti mér til hins betra og óhætt að segja að það henti öllum unglingum á aldrinum 12-15 ára!
Birna Varðardóttir, 14 ára Boot Camp Junior

"Smá meira..."
"Þegar fæðingarorlofi lauk og ég orðin 32 ára ákvað ég að núna væri tími til að koma sér í gott form aftur.  Ég byrjaði í einkaþjálfun, ég skráði mig á ýmis námskeið en eftir 10 mánuði ákvað ég að skrá mig í Bootcamp.  Ákvörðun sem ég sé ekki eftir.  Ég var fljót að kaupa mér 6 mánaða aðgang að Bootcamp.  Í Bootcamp fékk ég persónulega hvatningu til að gera enn betur.  Mér finnst eins og hver tími í Bootcamp reyni á mig til hins ítrasta. Á öðru námskeiði er ég ennþá að fá harðsperrur því það er enginn rútína, við erum alltaf að gera nýjar æfingar og hver æfing fær mann til að líða eins og maður eigi ekkert eftir.  En þá fær maður smá boost frá þjálfurum - jú, kannski er smá eftir...   Fyrir mig er Bootcamp það eina sem fær mig til að hlakka til að mæta í hvern tíma - bæði andlega og líkamlega !! "
Bryndís Ösp Valsdóttir, 33 ára viðskiptafræðingur
 

"Besta form síðan á táningsaldri"
“Ég hef stundað Boot Camp í tvö ár og aldrei verið í betra formi. Æfingarnar eru erfiðar, fjölbreyttar en alveg þrælskemmtilegar. Þessi atriði ásamt sérlega hvetjandi umhverfi hefur verið lykilinn af mínum árangri. 46 ára og í besta formi sem ég hef verið í síðan ég var táningur."
Axel 46 ára framkvæmdastjóri
 

"Boot Camp leysti mig úr álögum"
"Ég þurfti að ná mér aftur í kjörþyngd en það var búið að ganga erfiðlega að mæta í ræktina.... og þegar ég mætti vissi ég ekkert hvað ég var að gera. Bootcamp hefur allt sem ég þarf; bestu,skemmtilegustu og sætustu þjálfara landsins, fjölbreyttar æfingar, frábæran félagsskap og glimrandi aðstöðu. Það að hafa ákveðna tíma hentar mér mjög vel og ef ég bara mæti í Bootcamp fæ ég topp þjálfun sem skilar frábærum árangri. Tímarnir eru fjölbreyttir og skemmtilegir en erfiðir..... ég myndi aldrei nenna þessa ef það væri ekki fyrir þessu æðislegu þjálfara og góðan hóp. Bootcamp leysti mig úr álögum - kom mér ekki bara í kjörþyngd heldur einnig í þrusu form".
Elfa Sif Logadóttir, 32 ára markaðsráðgjafi
 

"Besta form lífs míns"
"Góðar og fjölbreyttar æfingar sem skila miklum árangri. Eftir 6 mánaða æfingar í BootCamp var ég kominn í mitt besta form á ævinni þrátt fyrir að hafa æft keppnisíþróttir í 20 ár þar á undan."
Freyr Karlsson, 29 ára verkefnisstjóri

"Vísan um Boot Camp"
"Harka, hiti
mikill sviti
lýsa Boot Camp einna best.
Hvatning, agi
snillingar í sínu fagi
refsa þér ef þú sest.

Þeir láta mann setjast í 90 gráður
og þar maður dvelur sárþjáður.
Æfingarnar reyna bæði á fætur og hendur
með sandpokann á lofti maður lengi stendur.

Eftir tímann maður getur ekki hreyft sig
hvað þá málað sig eða hárið greitt.
Vaknar svo upp með svaka strengi
og getur ekki gengið lengi.

LOVE IT!
Sigþrúður Ármann, 30 ára lögfræðingur

"Árangur áfram"
"Ég byrjaði í Boot Camp fyrir um hálfu ári og fannst strax mjög gaman. Þetta var erfitt en mjög gaman. Það var fyrir rúmu ári sem ég heyrði fyrst um Boot Camp og langaði að prufa en ákvað að fara í annað sem ég sé mikið eftir. Ég hef prufað margt en ekkert hefur gefið mér sama árangur og Boot Camp. Þjálfararnir eru frábærir. Þeir hvetja okkur áfram á þann hátt að maður gefur allt sem maður á í æfingarnar. Þeir virðast læra inn á mann og sjá hvað maður getur og hvað þeir geta ýtt fast á mann. Ég hélt kannski fyrst að æfingarnar yrðu léttari eftir því sem liði á námskeiðin en þær virðast alltaf jafn erfiðar af því maður getur meira og gerir þar af leiðandi meira. Í dag er ég búinn að missa tæp 20 kíló á 25 vikum. Ég er rosalega sáttur við það en ég á enn eftir að losna við í kringum 20 kíló sem ég veit að ég næ ef ég held áfram (sem ég geri að sjálfsögðu). Buxur sem ég kom ekki upp yfir læri eru að verða of víðar í dag. Þetta er frábært. Þúsund þakkir fyrir frábæra þjálfun."
Hálfdán, 31 árs prentsmiður