Mánudagur, 08. mars 2010 17:22

Um helgina hélt Boot Camp róðrakeppni þar sem margir bestu ræðarar Boot Camp tóku fram árar sínar. Þó ekki bókstaflega þar sem keppt var á hefðbundnum Concept2 róðravélum. Keppnisflokkarnir voru 500m og 2000m í karla- og kvennaflokki og 1000m parakeppni.

Það voru margir ótrúlegir tímar sem litu dagsins ljós og sem dæmi má nefna að sigurtíminn í 500m karla frá því í fyrra hefði eingöngu skilað viðkomandi 6. sætið núna!

Hérna eru topp tímarnir úr hverjum keppnisflokki fyrir sig:

500m karla
1. Gísli V. Gunnarsson - 01:19.1
2. Steinar Sigurðarson - 01:20.6
3. Guðmundur Guðmundsson - 01:20.9
4. Elvar Þór Karlsson - 01:21.00
5-6. Jóhannes Guðmundsson - 01:21.8 (þrátt fyrir að detta af sætinu í vélinni!)
5-6. Sveinbjörn Sveinbjörnsson - 01:21.8

500m kvenna
1. Annie Mist Þórisdóttir - 01:34.2
2. Ásdís Eva Lárusdóttir - 01:39.6
3. María Ögn Guðmundsdóttir - 01:39.8
4. Guðrún Lovísa Ólafsdóttir - 01:41.6
5. Ásta Ósk Stefánsdóttir - 01:44.4

2000m karla
1. Elvar Þór Karlsson - 06:24.9
2. Torben Gregersen - 06:25.00
3. Guðmundur Guðmundsson - 06:28.3
4. Gísli V. Gunnarsson - 06:32.6
5. Freyr Hákonarson - 06:33.9

2000m kvenna
1. Annie Mist Þórisdóttir - 07:24.2
2. Ásdís Eva Lárusdóttir - 07:48.5 (hafði aldrei róið lengra en 500m áður!)
3. Guðrún Lovísa Ólafsdóttir - 07:52.6
4. Kristín Björg Ólafsdóttir - 08:12.6

1000m parakeppni
1. Steinn og María - 03:16.1
2. Stefán og Arna - 03:16.5
3. Torben og Steffi - 03:22.4
4. Steinar og Fanney - 03:23.9 (eru par í raun!)
5. Vísir og Ragna - 03:27.7

Frábær árangur hjá frábærum keppendum! Til lukku öllsömul og þátttakan verður eflaust enn betri næst þar sem þessi blessaði róður er smitandi, eins ógeðslegur og hann er samt! Myndir væntanlegar á næstu dögum.

Föstudagur, 12. febrúar 2010 10:26

Þá styttist óðum í vorið og skammdegið minnkar með hverjum deginum. Það verður margt í boði á þessu ári, fastir liðir eins og venjulega ásamt nýjum viðburðum.

Á Facebook síðu Boot Camp verður boðið upp á reglulegar áskoranir sem birtast sem update hjá aðdáendum síðunnar.

Margir viðburðir eru á dagskrá næstu mánuði og má meðal annars nefna:

- Inntökupróf í Boot Camp Elite
- Róðrakeppni BC. 500m, 2000m og 2000m parakeppni
- Lífsstílsmeistarinn. Fyrsta mótið í Þrekmótaröðinni 2010
- Vorfagnaður Boot Camp / 5 ára afmæli
- Hell Day - styttri útgáfa af Hell Weekend, upplýsingar koma inn fljótlega
- Fimmvörðuhálsferð Boot Camp
- Sumarhátíð Boot Camp
- Boot Camp Keppnin.

Listinn er ekki einu sinni tæmandi en þetta er meðal þess sem í boði er næstu 6 mánuðina. Fylgstu því vel með og vertu með okkur í ár til að verða hluti af Boot Camp fjölskyldunni.

Laugardagur, 02. janúar 2010 21:04

Árið 2010 byrjar af fullum krafti þann 4. janúar. Að vanda eru margir hópar fullbókaðir en ennþá er tekið við skráningum og hægt er að byrja hvenær sem er þó svo að námskeiðið sé byrjað. Ef hópurinn sem þú óskar eftir er fullbókaður í bili ferðu á biðlistann og við bætum þér inn í hann um leið og það er mögulegt.

Ef þú vilt hætta að sætta þig við meðalmennsku og komast í besta form lífs þíns þá þarftu bara að skrá þig núna og við höfum samband við þig strax.

Ekki hika, taktu bara skrefið til fulls og þetta ár verður þér ógleymanlegt!

Fimmtudagur, 31. desember 2009 15:39

Kynningarfundur fyrir alla nýliða verður haldinn á Suðurlandsbrautinni laugardaginn 2. janúar kl 12:00. Fundurinn gefur þeim sem byrja á sínu fyrsta Boot Camp námskeiði í janúar tækifæri til að sjá aðstæður, hitta þjálfara og fá svör við helstu spurningum áður en gleðin byrjar. Mættu tímanlega því eins og reglan er á æfingum þá byrjum við ávallt á slaginu.

Öllum skráningum verður svarað fyrir þann tíma og vonandi náum við að koma öllum fyrir en þéttskipað verður í langflesta hópa á janúarnámskeiðinu.

Hægt er að skrá sig hér.

Sjáumst á laugardaginn!

Fimmtudagur, 31. desember 2009 15:33

Boot Camp vill óska öllum Boot Cömpurum nær og fjær gleðilegs nýs árs og megi árið 2010 verða gæfu- og heilsuríkt fyrir ykkur öll.

Það voru ótal afrek sem náðust á þessu ári, svo mörg að ómögulegt er að telja þó ekki væri nema hluta þeirra upp. Við hvetjum ykkur til að halda áfram að setja markið hátt núna á nýju ári og vinna síðan hörðum höndum við að ná þeim markmiðum sem sett verða (og umfram þau!).

Nýtt Boot Camp ár byrjar strax á mánudaginn og hlökkum við til að sjá þig á æfingu, hvar sem er á landinu!

GLEÐILEGT NÝTT ÁR!!!