Sunnudagur, 20. júní 2010 19:11

Mánudaginn 21. júní hefjast næstu Boot Camp námskeið um land allt. Láttu eitthvað annað en HM, grillmat og stærri bumbu standa upp úr að sumrinu loknu. Skráðu þig núna og byrjaðu strax! Það er ekki eftir neinu að bíða.

Mánudagur, 31. maí 2010 21:15

Skráningar eru nú hafnar á næsta Boot Camp námskeið sem hefst 21. júní. Verð fyrir þau tvö námskeið sumarsins sem þá eru eftir er aðeins .

Þó að þú vaknaðir seint úr vetrardvalanum þýðir ekki að þú getir ekki enn komið þér í dúndurform. Skráðu þig og þú verður byrjuð/byrjaður að breyta lífi þínu til frambúðar innan þriggja vikna!

Fimmvörðuhálsinn, BC áskorunin, Boot Camp keppnin og Sumarhátíð Boot Camp er allt saman enn framundan.

Sjáumst í Boot Camp!

Miðvikudagur, 19. maí 2010 08:09

Í sumar stendur Boot Camp fyrir BC áskoruninni (Hell day) 9-10. júlí. Margir kannast við Hell Weekend námskeiðin sem haldin hafa verið hér á landi og BC áskorunin er 18 klukkustunda afbrigði af því. Þú munt reyna á þig líkamlega og andlega á hátt sem þú hefur aldrei upplifað áður og áskorunin mun færa þröskuld þinn ofar gagnvart öllum þeim viðfangsefnum sem þú munt taka þér fyrir í framtíðinni.

Ekki missa af þessu einstaka tækifæri og um leið undirbúa þig fyrir komu samstarfsmanna okkar frá Bandaríkjunum sem snúa aftur í Hell Weekend sumarið 2011!

Allar upplýsingar um áskorunina finnurðu með því að smella á myndina hér að neðan

Fimmtudagur, 13. maí 2010 08:49

Um síðustu helgi hélt 11 manna hópur frá Boot Camp til Halmstad í Svíþjóð til að keppa í Evrópuleikum Crossfit. 5 snillingar tóku þátt í einstaklingskeppninni, þau Annie Mist Þórisdóttir, Elvar Þór Karlsson, Jenný Magnúsdóttir, Ómar "Ómar" Ágústsson og Sveinbjörn Sveinbjörnsson en auk þeirra átti Boot Camp fulltrúa í liðakeppninni.

Keppt var í 5 greinum í einstaklingskeppninni á tveimur dögum. Eftir fyrri daginn voru Sveinbjörn og Annie í efstu sætunum og Elvar og Jenný voru bæði í topp 5. Allir fulltrúar Boot Camp (og Íslands!) stóðu sig eins og hetjur og að leikunum loknum var það ljóst að af þeim 6 einstaklingum sem unnu sér inn þátttökurétt á heimsleikunum í Bandaríkjunum í júlí átti Boot Camp 3 þeirra, þau Annie Mist, Sveinbjörn og Jenný.

Í liðakeppninni var aðeins eitt annað lið í Evrópu sem þorði að keppa við lið Boot Camp og það kom einnig frá Íslandi! Það sannar enn og aftur að það eru fáir sem þora í íslensku víkingana sem er svo sem alveg skiljanlegt. Eftir helgina var það lið Boot Camp sem sigraði og vann sér þ.a.l. sömuleiðis inn þátttökurétt á heimsleikunum í júlí.

Myndir væntanlegar hérna og á Facebook síðu Boot Camp.

Miðvikudagur, 05. maí 2010 15:38

Þá eru bara örfáir dagar í að Boot Camp sumarið hefjist formlega! Það eru yfir 100 nýliðar þegar búnir að skrá sig á þetta fyrsta sumar námskeiðsins og þá verður ekki aftur snúið.

Það verður nóg um að vera í sumar. Í grunninn verða Boot Camp æfingarnar að sjálfsögðu jafn krefjandi, skemmtilegar og fjölbreyttar og áður. Þeir sem mæta því samviskusamlega og passa mataræðið samhliða því eiga því eftir að upplifa besta form lífs síns og miklu meira en það. Utan æfinganna er líka auðvitað ýmislegt í gangi s.s. sumarhátíðin, Boot Camp keppnin 2010, ferðir yfir gosslóðir, upp á Hvannadalshnjúk og loksins verður Boot Camp áskorunin sem mætti einnig kalla "Hell Day"!

Það er því ekki seinna vænna en að bætast í hópinn (því fyrr, því betra) og vertu hluti af okkar frábæra æfingahóp!