Þriðjudagur, 01. september 2009 12:41

Það voru rúmlega 150 keppendur sem mættu á íþróttavöllinn að Varmá í gær til að taka þátt í Boot Camp keppninni 2009. Keppnin er hluti af Þrekmótaröðinni sem samanstendur af fjórum mismunandi keppnum og var Boot Camp keppnin sú þriðja í mótaröðinni en áður hafa farið fram Lífsstílsmeistarinn og Crossfitleikarnir. Þrekmótaröðinni lýkur síðan með Þrekmeistaranum á Akureyri í nóvember.

Það var blíðskaparveður í Mosfellsbænum í gær þegar keppnin fór fram. Keppt var í fjórum flokkum; einstaklingskeppni karla og kvenna og liðakeppni karla og kvenna. Það voru karlarnir sem riðu á vaðið en 33 voru skráðir í einstaklingsflokkinn. Þurftu þeir að ljúka braut sem samanstóð af 2km hlaupi, armbeygjum, hnébeygjum, froskahoppum og uppsetum ásamt klassískri bóndagöngu. Það var mjótt á munum en sigurvegarinn var Sigurgeir Andrésson úr Boot Camp sem kláraði erfiða brautina fyrstur allra á rúmum 25 mínútum. Ásmundur Ísak Jónsson, einnig úr Boot Camp átti bestan tíma karla 39 ára og eldri.

Í kvennaflokki sigraði Annie Mist Þórisdóttir en 29 keppendur þar þurftu einnig að ljúka 2km hlaupi ásamt axlapressu, froskum, uppstigi, uppsetum og loks bóndagöngunni. Með sigrinum tryggði Annie sér titilinn meistari Þrekmótaraðarinnar árið 2009 en áður hafði hún unnið Lífsstílsmeistarann og Crossfitleikana og er því með fullt hús stiga fyrir síðasta mótið. Til hamingju með titilinn Annie!!! Það var síðan Steinunn Linda Jónsdóttir frá Crossfit Iceland sem sigraði í flokki kvenna 39 ára og eldri.

Í liðakeppni karla voru það 5tindar sem sigruðu í karlaflokki en keppnin reyndi mikið á liðsheildina. M.a. þurftu liðsmenn að halda saman á drumbi fyrir ofan höfuð á meðan einn úr liðinu kláraði upphífingar, japanskar skúringar og spretthlaup svo eitthvað sé nefnt. Þeir félagar hafa æft og keppt lengi saman og tókst að ljúka brautinni á skemmstum tíma af þeim 9 liðum sem tóku þátt. Í kvennaflokki tóku 10 lið þátt og  voru það Boot Camp Wonder sem sigruðu með nokkrum yfirburðum en þær komu hlaupandi með drumbinn sinn brosandi yfir marklínuna.

Laugardagur, 29. ágúst 2009 12:40

Einstaklingskeppni karla - opinn flokkur:  

Einstaklingskeppni kvenna - opinn flokkur:

Einstaklingskeppni kvenna - 39 ára og eldri:

Laugardagur, 29. ágúst 2009 12:39

Liðakeppni karla - opinn flokkur:

Liðakeppni karla - 39 ára og eldri: 

Fimmtudagur, 20. ágúst 2009 12:39

G.I.Jane námskeið Boot Camp byrja aftur af fullum krafti í haust, þann 14. september.

Því miður hefur ekki verið pláss í stundatöflunni fyrir þessa tíma að undanförnu en það verður breyting á því í haust þegar þessir tímar fara aftur af stað og gefst því konum kostur á að mæta í Boot Camp eingöngu með öðrum konum undir handleiðslu Boot Camp þjálfara. G.I.Jane námskeiðið verður eingöngu kennt í húsnæði StudioFitt að Seljavegi (www.studiofitt.is). Æfingarnar verða því sérhannaðar með þarfir kvenna í huga og henta öllum konum, hvort sem þær eru í góðri þjálfun eða eru að koma sér af stað í hreyfingu.

Allar upplýsingar um námskeiðið verða komnar hingað inn von bráðar.

Föstudagur, 14. ágúst 2009 12:38

Síðasti dagur til að skrá sig í Boot Camp keppnina er á miðnætti á sunnudaginn kemur, þann 16. ágúst.

Greiðsla fyrir keppnisgjaldinu þarf að hafa borist í síðasta lagi 22. ágúst sem er vika fyrir keppni. Nú er bara um að gera að taka loks af skarið, skrá sig til leiks og sanna fyrir sjálfum/sjálfri sér að þetta sé vel hægt!

Það verða flottir vinningar í boði fyrir efstu sætin, margt annað skemmtilegt í gangi fyrir áhorfendur svo ekki sé talað um sjálfa keppnina sem verður án efa mjög spennandi. 

Taktu því daginn frá og bókaðu þig strax!