Verkefni

Auk þess að starfrækja námskeiðin hefur Boot Camp einnig getið sér góðan orðstír við önnur verkefni. Boot Camp hefur komið að þjálfun íþróttafélaga og stakra íþróttamanna, gefið út bók á prenti og komið fram í ýmsu sjónvarpsefni.

Bók
Í ársbyrjun 2007 gaf JPV útgáfa út bók eftir stofnendur Boot Camp, Arnald Birgi og Róbert sem byggir á Boot Camp æfingakerfinu. Bókin, Boot Camp - Grunnþjálfun, gerði fólki sem ekki hafði áður tök á að sækja námskeiðið tækifæri til að æfa Boot Camp og hefur selst í yfir 1500 eintökum. Önnur bók er þegar ráðgerð og kemur hún út í ársbyrjun 2010.

Sjónvarp
Boot Camp hefur einnig átt innkomu í sjónvarpi nokkrum sinnum. Jólin 2006 sýndi Skjár Einn þáttinn Frægir í form þar sem 6 þekktir einstaklingar voru teknir í vikulangar æfingabúðir undir stjórn Boot Camp þjálfaranna Arnalds Birgis og Berglindar. Fengu þau því að kenna á hinum ýmsu æfingum með því markmiði að breyta lífsstíl þeirar til frambúðar.
Sumarið 2007 komu svo þeir Ísland í dag félagar Steingrímur Ólafsson og Oddur Ástráðsson á 6 vikna námskeið þar sem þeir öttu kappi um hvor næði meiri árangri og var fylgst með þeim og framför þeirra í vikulegu innslagi. Strákarnir náðu báðir mjög góðum árangri og bættu sig umtalsvert þótt að um aðeins eitt námskeið hafi verið að ræða og sýndu landsmönnum um leið hvernig Boot Camp námskeiðin virka.

Hell weekend námskeið
Í maí 2007 fékk Boot Camp hingað til lands þrjá bandaríska sérsveitarmenn til að halda helgarnámskeið byggt á hinni víðfrægu Hell Week sem vongóðir Navy SEALs kandídatar þurfa að sigrast á til að komast í sveitirnar. 30 Íslendingar tóku þátt í þessu fyrsta Hell Weekend námskeiði sem gekk vonum framar og var afraksturinn sýndur í tveimur þáttum á Skjá Einum haustið 2007.

Fyrirtæki og íþróttafélög
Boot Camp hefur komið inn í hin ýmsu fyrirtæki og þjálfað hópa þar. Meðal ánægðra viðskiptavina eru Marel, Samskip, Sjóvá, Hekla o.fl. Boot Camp hefur einnig komið að þjálfun ýmissa íþróttafélaga á undirbúningstímabili og í ár hefur Boot Camp verið í góðu samstarfi við Fram og þjálfað meistaraflokka þeirra í knattspyrnu og handknattleik karla sem og handknattleik kvenna.